நவகிரக சாந்திகள்

உங்கள் ஜனன ஜாதகத்தில் எந்தக் கிரகம் தீய பலன்களைத் தருகிறது
என குறிப்பிடபட்டுள்ளதோ அந்த கிரகங்களை சாந்தி செய்வதற்குரிய பரிகாரங்கள்:

ஜோதிட விதிகளின்படி ஒவ்வொரு ராசிக்கும்,லக்னத்திற்கும் உரிய சுப,அசுப கிரகங்கள் விபரம் கீழே கொடுக்கப்பட்டுள்ளது.

இதனை உங்கள் ஜாதகத்துடன் சரி பார்த்துகொள்ளவும்.உங்கள் ஜனன ஜாதகத்தில் ராசி மற்றும் லக்னத்திற்கு உரிய அசுப(தீய) கிரகங்களுக்கு கீழே கொடுக்கபட்டுள்ள கிரக விபரங்களின்படி பரிகாரம் செய்து கொள்ளவும்.

தீய பலன்களைத் தரும் கிரகத்தின் தசை,புத்தி நடைபெறும் சமயங்களிலும் தீய கிரகங்களுக்குரிய நாட்களிலும் இந்த பரிகாரங்களை செய்து அசுப கிரகங்களினால் ஏற்படும் தீய விளைவுகளை தவிர்த்து கொள்ளவும்.

இயற்கையான சுபகிரகங்கள்

குரு, சுக்கிரன், தீய கிரகங்களுடன் சேராத புதன், வளர்பிறைச் சந்திரன்.

இயற்கையான அசுபகிரகங்கள்

சூரியன், செவ்வாய், சனி, இராகு, கேது, தீய கிரகங்களுடன் சேர்ந்த புதன், தேய்பிறைச் சந்திரன்.

ஒவ்வொருவரின் ஜென்ம லக்னத்திற்கு ஏற்ப கிரகங்களின் சுப, அசுபத் தன்மை மாறுபடுகிறது.

மேஷம் லக்னம்
சுப கிரகங்கள் சூரியன், குரு
தீய கிரகங்கள் புதன், சனி

ரிஷபம் லக்னம்
சுப கிரகங்கள் சூரியன், புதன், சனி
தீய கிரகங்கள் சந்திரன், குரு, சுக்கிரன்

மிதுனம் லக்னம்
சுப கிரகங்கள் குரு, சுக்கிரன், சனி
தீய கிரகங்கள் சூரியன், செவ்வாய், குரு

கடக லக்னம்
சுப கிரகங்கள் செவ்வாய், குரு
தீய கிரகங்கள் புதன், சுக்கிரன்

சிம்ம லக்னம்
சுப கிரகங்கள் சூரியன், சுக்கிரன் செவ்வாய்
தீய கிரகங்கள் புதன், சுக்கிரன்

கன்னி லக்னம்
சுப கிரகங்கள் புதன், சுக்கிரன்
தீய கிரகங்கள் சந்திரன், குரு, செவ்வாய்

துலா லக்னம்
சுப கிரகங்கள் புதன், சுக்கிரன்,சனி
தீய கிரகங்கள் சூரியன், செவ்வாய், குரு

விருச்சிக லக்னம்
சுப கிரகங்கள் சூரியன், சந்திரன்,குரு
தீய கிரகங்கள் செவ்வாய்,புதன், சுக்கிரன்

தனுசு லக்னம்
சுப கிரகங்கள் சூரியன், செவ்வாய், புதன்
தீய கிரகங்கள் சுக்கிரன்

மகர லக்னம்
சுப கிரகங்கள் செவ்வாய்,புதன்,
சுக்கிரன்
தீய கிரகங்கள் சந்திரன், குரு

கும்ப லக்னம்
சுப கிரகங்கள் சுக்கிரன், புதன், சனி
தீய கிரகங்கள் சந்திரன்,செவ்வாய் ,குரு

மீன லக்னம்
சுப கிரகங்கள் சந்திரன், செவ்வாய்
தீய கிரகங்கள் சூரியன்,சுக்கிரன், சனி,புதன்

1.சூரியன்-
சனிக்கிழமை அன்று 7 வகையான தானியங்களை ஊற வைத்து ஞாயிற்றுக்கிழமை அன்று காலை அவற்றைப் பொடி செய்து எறும்புகளுக்குப் போடவும்.இதை 7 ஞாயிற்றுக்கிழமை செய்து வர சூரியனால் உண்டாகும் கெடுபலன்கள் குறையும்.

2.சந்திரன் - 

 வளர்பிறை திங்கள் கிழமை அன்று வீட்டு முற்றத்தில் நெருப்பு மூட்டி அதில் கொஞ்சம் பழைய வெல்லத்தைப் போட்டு விடவும்.சந்திரனால் உண்டாகும் கெடுபலன்கள் குறையும்.

3.செவ்வாய் -
 தேய்பிறை செவ்வாய்க்கிழமை அன்று புதிதாக ஸ்வீட் வாங்கிப் பிச்சைக்காரர்களுக்குத் தானம் செய்ய செவ்வாய்க் கிரகத்தின் கெடுபலன்கள் குறையும்.

4.புதன் -
பூஜை அறையில் ஒரு செம்பில் கங்கா ஜலம் வைத்திருந்தால் புதன் கிரகத்தின் கெடுபலன்கள் குறையும்.

5.குரு .-
வியாழக்கிழமை தோறும் குங்குமப்பூவை மெழுகுப் பதமாக அரைத்து குங்குமம் கலந்து நெற்றியில் திலகம் இட்டு வர குருகிரகத்தினால் உண்டான கெடுபலன்கள் குறையும்.

6.சுக்கிரன்  -
சிறிய வெண்ணிறப் பட்டுத் துணியில் வாசனை உள்ள மலர் வைத்து முடிந்து அதை ஓடும் நீரில் விட்டு விட சுக்கிரனால் உண்டான கெடுபலன்கள் குறையும்.

7.சனி கிரகம்-
 ஒரு வெற்றிடத்தில் அல்லது வீட்டுப் பின்புற முற்றத்தில் கறுப்புத் துணியில் கருப்பு எள் வைத்து முடிந்து நெருப்பில் போட்டு எரிக்கச் சனிகிரகத்தினால் உண்டான கெடுபலன்கள் குறையும்.

8.கேது -
இரண்டு போர்வைகள் வேறு வேறு நிறத்தில் வாங்கிப் பிச்சைக்காரர்கள் அல்லது ஏழை முதியவர்களுக்குத் தானமாக வழங்க கேது கிரகத்தால் உண்டான கெடுபலன்கள் குறையும்.

9.ராகு  -

பாம்பாட்டிகளிடம் இருந்து ஒரு பாம்பை விலைக்கு வாங்கிக் அவற்றைக் காட்டில் கொண்டுபோய் விட ராகு கிரகத்தால் உண்டான கெடுபலன்கள் குறையும்.இதை நாகபஞ்சமி (ஆவணி மாதம் வளர்பிறை பஞ்சமி ) அன்று செய்யவும்.